📍渝味曉宇重慶老火鍋 (灣仔)
灣仔皇后大道東202號QRE Plaza 6樓
=========================================
放工後近近地約朋友黎打個邊爐，閒日夜晚唔算太多人，加上近排啲人少左出外消費，就算walkin都有位🤗
.
湯底係人頭計$38/位，好抵🤔我地揀左鴛鴦鍋，重慶辣湯底配大骨滋補鍋🥘見到啲花椒同辣椒🌶🌶🌶就知非同小可🤣🤣🤣大骨滋補鍋入面既料都唔少，有大大舊豬骨、好甜既紅蘿蔔同粟米，仲有紅棗添😬
.
茶水/醬料係每張枱都有哂，醬油、麻油、蔥、蒜等等，好方便😉同埋一坐低就已經有野飲同有一碗紅棗雪耳糖水💕
.
🐮美國安格斯優質肥牛：幾有牛肉味，油脂分佈平均，我將一塊肥牛浸左落麻辣湯底，真係辣到噴火，但真係正！
🐑紐西蘭精品羊肉卷：羊羶味唔算好勁，可以一試👍🏻
🐟鮮龍躉片：鮮味十足，第一塊滾耐左搞到有啲實，第二塊就啱時間，好滑好好味🤩🤩
🐮曉宇嫩牛肉：口感真係好嫩滑！呢個推薦要試🥳
.
🔸曉宇手打三寶丸：有墨魚丸、蝦丸同牛丸，口感彈牙
🔹現炸豆皮：好脆，稍稍浸係湯一陣就得
🔸功夫萵筍片：將萵筍切成薄片，擺得仲好靚，食落非常爽口
🔹黃金菇：同平時食既金菇有啲唔同，味道稍為香啲濃啲
🔸乾貢菜：好想介紹下呢個菜😎因為平時出面未食過，第一下夾起既感覺係好軟林林，質感好難形容，但好得意，食落係帶點煙韌😂
.
❤️紅糖糍粑：記得要趁熱食！煙韌得黎又甜甜地，真係好正😋
🧡紅糖冰粉：面頭有啲提子同果仁，打完邊爐最尾食就啱哂😆
🍹衝上雲霄百香果特飲：呢杯野原來有成40%酒精😨不過係幾易入口，女仔飲好容易唔覺唔覺飲多左🤭
.
服務都唔錯，餐廳環境又乾淨企理，坐得好舒服😌*信用卡埋單仲有優惠，好想再黎食🤤🤤
Search